"Unang adlaw sa Pebrero"

Unang adlaw sa Pebrero nga bulan, "Bulan sa paghigugmaay" ingon man;
Gisugat sa ulan nga nagpabugnaw sa kahanginan, ug nag pa lunhaw sa kadahunan.

Naay uban nga sa ulan samokan, pero mas daghan gyud ang ganahan;
Pagpahungaw sa katugnaw daghan kang pwede daganan, bisan unsa nalang pamaagi sa uban.

Sa uyab didto magpalaban, sa way uyab kalayo ug sa kape nalang ka dagan;
Ang unlan hangkopan nga usahay malawayan, ug tibuok lawas habulan ug magligid-ligid sa higdaan.

Ang pagkatulog ang mauso sa tanan, naa pud sa mga imnanan nimo makit-an;
Ang pinaka-uso nga mahitabo sa uban, ang pagskwela di nalang sudlan "puslan man".

Kadungan sa ulan ang pagbaha sa kasubaan, ug mga kanal nga molapaw sa dalan;
Ang pgdaghan napud sa labhanan maoy problema sa tanan, Ulan pamalha intawun among mga nilabhan.

"ULAN"

Ulan nga ngpalangan sa pg-adto ko sa skwelahan,
Ulan nga nipabugnaw sa kahanginan ug ngpamingaw sa kadaghanan;
Ulan nga mkapatapulan nga ang pgligid2x ug pgtulog nalang mahunahunaan,
Ulan nga nibasa sa kabuhatan ug sa unlan diri sa akong kauban;
Dakong katingalahan ky wala man pud unta sa ulan naabtan?
Pirti diay lamia sa iyang tulog nga na laway-lawayan na niya ang iyang unlan.
Pastilan... ULAN...

Kung ikaw ang KADAGATAN?
ako ang mahimo mong BAYBAYON nga kanunay mong maduolan
kung nagbalud-balud mong mga problema di na mapas-an;
Kung ikaw pud BULAWAN?
ako ang mahimo mong KAYUTAAN nga mahimo mong tagoan
arun sa mga mapahimuslanon di ka abusaran;
Kung ikaw man ang mga KABITUONAN?
ako ang KALANGITAN nga mopakita sa tanan
kung unsa ang imong katahum nga nagpa-anyag sa mangitngit kong kalibutan.

 

Basin ug ganahan kang sumpayan, arun akng blogsite di mahagbong nga way kapuslanan... hehe 

Very Pinoy Right??? hehehe

KKKKKK

Katahum akong gibati sa dihang namatyagan ang bulawano'ng kutis nga sinaw,
Kay daw nagpukaw sa kabuntagong matugnaw ug kasingkasing kong gimingaw;
Katawa mong magamhanan nga bisan unsang bagyoha mahimong mohuyaw,
Kay dili nila maantos nga sa lambing mong boses dili makapaminaw;
Kagwapa nga daw kawata'ng nikuha sa tanang maayo sa kalibutan,
Kay ang katahum nga akong makit-an anaa raman jud nimo tanan.

Way??? Nganung Way???

WHY??!!!

Usahay ako magmahay kay ako nahigugma sa anghel nga wala naku kaangay,
Makita lang siya, maistorya gamay, pirte na nakong kalipay;
Pero kung huna-hunaon kalipay naku pirte jud tawun kagamay,
Pero ako kanimo gaud magdugay kay kining gugma ko kanimo dili man lumalabay;

-susama sa pagskwela ni shacoi na duha na katuig nadugay, hahay-

Why??!!!

Kamatuoran

Gabie imong boses aqng ndunggan, mura ko'g nilupad sa kahanginan;
Kapaet ning ing-ani, itago nlang ba prmi?
Sa gugmang gitanum, wla man cguro ko'y maani..
Abi nku nga aq kusgan, sa mga prblema di ko madutlan;
Pero di man ka prblema ky grasya ka man, nga dapat gyud pangga-an..
Ang dakung problema kining aqng tun-anan, ky bisan usa wa paku'y nasugdan;
Midterm na shacoy! kana ang kamatuoran, Pagtuon na intawun!pastilan..

Ayaw kupido

Dpat ba kita nga ampingan? o pugson na lamang nga ikaw kalimtan?
O kupido, nganu ing-ana man? Ako ba imo ra gdula-dulaan?
Di baya lalim ning magugmahan? Labi na kung ang baye pirte ka angayan;
Mgpa-pana nalang ko nimo utro o kupido, Pero ayw sa kasing2x ko e-sintro;
Ang imong pana ibunal nlang sa akong ulo, Arun mhigmata ako nga siya di para naku;
Btaw o kupido joke ra to, kasakit kaha anang bunalan sa ulo.
-hehehe-

Mabaw'ng Kalipay

Ug sa dihang...
Sulit na ako domingo kay...
Paeta ning siya ra ang kalipay...
Hahai unsaon nalang...

-pasimplingbalaklamang-

Buhaton ko tanan

Karun nga nag-ulan, kaw napud sige madumdoman;
Ang mga tulo nga madunggan, nagsinggit sa imong pangalan;
Nakigdungan sa kabugnaw sa ulan, ang kabugnaw pud sa mong tinagdan;
Nganung ing-ana ka naman, akong pagbati imo na kahang nasakpan?
Sultihe lang ko kung unsa imong ganahan, kantahan? sultihan? o kaha balakan?
Ako ingna daan para ako dayun karun praktisan, para di ko maulawan kanimo nga akong bulawan.

Higugmaon gihapon bisan katulogon...

Kagahapon, karun, ug ugma puhon; Ikaw rajud akong higugmaon,
Korny man paminawon; Pero ako gihapon kini padayunon,
Ang dagat kaya nakong lakwon; Ang mga bituon kaya nakong abuton,
Ang mga bato akong palutawon; Kay kanimo tanan butang akong kayahon,
Wa naku kabalo kung unsa pay sultihon; Ani nalang, kalit nalang naku putlon...
-Si Shacoi katulogon na intawon, Sa sunod napud puhon-

Nangambisyon...

Karung gabie mkatulog ko'ng malinawon, ky nkita ko ang ktawa mong bulawanon;
Bisan ikaw dili maangkon, pero ako magpadayun ra gihapon;
Sa gugma ko knimo ako naulipon, Mura ug dahon sa tubig naglutaw ug nagpauyon;
Hoy shacoi ayw pangambisyon, exam nimo ugma pgtuon na tawon.

-paets.ba.ani-

Karun ka kay nag-ulan...

KArun gabie nga nag-ulan, naglumba ang kamingaw ug katugnaw;
Unlan'g hugot nga gihangkupan, kay ikaw man ang pirme mahuna-hunaan;
Apan sa buntag ang akong namatahan, ang baho sa laway sa akong unlan
Nganu man??? -BOW-

Kanimo unsa akong maangkon?

Sa kagabi-ihon ikaw handum-handumon,
Arun sa pagkatulog ikaw akong damguhon;
Mga bato sa tubig kaya kong palutawon,
Sa gugma ko tanan gahum akong maangkon;
Apan skit hunahunaon, nga sa pagmata ko muta ra akong maangkon